ਪਹਿਲੀ ਵਾਰ ਲਾਲ ਕਿਲੇ ਤੇ ਦੋ ਵਾਰ ਤਿਰੰਗਾ ਲਹਿਰਾਉਣਗੇ ਪ੍ਰਧਾਨਮੰਤਰੀ ਮੋਦੀ

ਨਵੀਂ ਦਿੱਲੀ – ਨਰਿੰਦਰ ਮੋਦੀ ਦੇਸ਼ ਦੇ ਪਹਿਲੇ ਪ੍ਰਧਾਨਮੰਤਰੀ ਹਨ ਜੋ ਇਕ ਹੀ ਸਾਲ ਵਿੱਚ ਦੂਜੀ ਵਾਰ ਲਾਲ ਕਿਲੇ ਤੇ ਤਿੰਰਗਾ ਲਹਿਰਾਉਣ ਜਾ ਰਹੇ ਹਨ| ਮੋਦੀ 21 ਅਕਤੂਬਰ ਨੂੰ ਲਾਲ ਕਿਲੇ ਵਿੱਚ ਆਜ਼ਾਦ ਹਿੰਦ ਫੌਜ ਦੀ 75ਵੀਂ ਵਰ੍ਹੇਗੰਢ ਤੇ ਆਯੋਜਿਤ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣਗੇ ਅਤੇ ਤਿਰੰਗਾ ਲਹਿਰਾਉਣਗੇ| ਇਹ ਆਯੋਜਨ ਮੋਦੀ ਸਰਕਾਰ ਦਾ ਹੀ ਹੈ| ਇਸ ਆਯੋਜਨ ਦੇ ਬਹਾਨੇ ਮੋਦੀ ਸਰਕਾਰ ਨੇਤਾ ਜੀ ਸੁਭਾਸ਼ ਚੰਦਰ ਬੋਸ ਨੂੰ ਅਪਣਾਉਂਦੇ ਹੋਏ ਪੱਛਮੀ ਬੰਗਾਲ ਦੀ ਸਿਆਸਤ ਗਰਮਾਉਣ ਦੀ ਕੋਸ਼ਿਸ਼ ਵਿੱਚ ਹਨ| ਆਜ਼ਾਦੀ ਤੋਂ ਬਾਅਦ ਤੋਂ ਹੁਣ ਤੱਕ ਦੀ ਪਰੰਪਰਾ ਵਿੱਚ 15 ਅਗਸਤ, ਆਜ਼ਾਦੀ ਸੰਘਰਸ਼ ਦੇ ਮੌਕੇ ਤੇ ਪ੍ਰਧਾਨਮੰਤਰੀ ਨੇ ਲਾਲ ਕਿਲੇ ਤੇ ਤਿਰੰਗਾ ਲਹਿਰਾਇਆ ਹੈ ਪਰ 21 ਅਕਤੂਬਰ ਨੂੰ ਉਹ ਮੁੜ ਇੱਥੇ ਤਿਰੰਗਾ ਲਹਿਰਾਉਣਗੇ| ਮੋਦੀ ਇਸ ਮੌਕੇ ਤੇ ਇਕ ਮਿਊਜ਼ੀਅਮ ਦਾ ਵੀ ਉਦਘਾਟਨ ਕਰਨਗੇ ਜਿਸ ਵਿੱਚ ਆਜ਼ਾਦ ਹਿੰਦ ਫੌਜ ਅਤੇ ਸੁਭਾਸ਼ ਚੰਦਰ ਬੋਸ ਦੇ ਸਾਮਾਨ ਰੱਖੇ ਜਾਣਗੇ| ਇਸ ਮੌਕੇ ਤੇ ਰਿਟਾਇਰਡ ਸੈਨਾ ਅਧਿਕਾਰੀ ਅਤੇ ਆਜ਼ਾਦ ਹਿੰਦ ਫੌਜ ਨਾਲ ਜੁੜੇ ਲੋਕ ਮੌਜੂਦ ਰਹਿਣਗੇ| ਮੋਦੀ 30 ਅਕਤੂਬਰ ਨੂੰ ਅੰਡੇਮਾਨ-ਨਿਕੋਬਾਰ ਦੇ ਪੋਰਟ ਬਲੇਅਰ ਜਾਣਗੇ| ਪੋਰਟ ਬਲੇਅਰ ਵਿੱਚ 75 ਸਾਲ ਪਹਿਲੇ ਇਸ ਦਿਨ 1943 ਵਿੱਚ ਪਹਿਲੀ ਵਾਰ ਭਾਰਤੀ ਜ਼ਮੀਨ ਤੇ ਸੁਭਾਸ਼ ਚੰਦਰ ਬੋਸ ਨੇ ਝੰਡਾ ਲਹਿਰਾਇਆ ਸੀ| ਇਹ ਝੰਡਾ ਆਜ਼ਾਦ ਹਿੰਦ ਫੌਜ ਦਾ ਸੀ| ਇਸ ਦਿਨ ਦੀ ਯਾਦ ਵਿੱਚ ਪ੍ਰਧਾਨਮੰਤਰੀ ਇੱਥੇ 150 ਫੁੱਟ ਉਚਾ ਤਿਰੰਗਾ ਲਹਿਰਾਉਣਗੇ| ਇਸ ਦੇ ਨਾਲ ਹੀ ਨੇਤਾਜੀ ਦੀ ਯਾਦ ਵਿੱਚ ਡਾਕ ਟਿਕਟ ਜਾਰੀ ਕਰਨਗੇ|